VikL -blogg

I forhold til det å få tak i innhald å leggje ut her på VikL, er eg med jamne mellomrom rundt i Vik kommune og tek bilete, film og snakkar med folk. Dette har til no kun vore tilpassa dei kategoriane som er sat opp. For å utvida omfanget av kva det kan passa å ta med, er det vald å leggje til ein ekstra blogg -kategori.

Nyleg har eg involvert meg i eit prosjekt som det vil ta ei stund å gjennomføra, nemleg å dokumentera samlinga på Kristianhus, med intervju av Kristian. Eg er med å gjere dette, i samarbeid med andre, heilt frivillig, på grunnlag av interesse for historie. Me som er med ønskjer med dette for å vareta og vidareføre den kunnskapen som blant anna Kristian Otterskred har om kystkultur, båt og båtmotorar.

No i første omgang er det Kristianhus det handlar om, seinare kan det kanskje verta noko heilt anna det kan vere aktuelt å dokumentera. Forholda ligg i alle fall godt til rette for at det kan verta aktuelt å dokumentera meir, her i denne flotte kommunen.

Og for å ha ein ekstra «vid» kategori, der det høver å ta med det meste opprettar eg her «VikL -blogg», der det fortløpande, etter kvart som eg eller andre får oppleve nye ting som handlar om historie, kultur og kulturhistorie. Eller kanskje noko heilt anna, t.d. idrett.

Difor er blogg -formatet vald, rett og slett for å leggje til rette for kunna dela gode opplevingar av ulik slag, uansett kva det måtte vere.

Håpar det som kjem med her kan vere til glede for fleire.